Ilohni o’zlikda, ibodatda, riyozatda izlayman

Najot izlab Haqqa iltijo qildimki, sabrim sarhadidagi mashaqqatlarim evaziga ilohiy kamol topsam.

*******************************

Umidim uldirki, umrim davomida qilayotgan ibodatlarim samarasi ilohiy jamolu jalolga erishurman.

*******************************

Rohat nadir desalar, dedimki fano nafsidan yuz burmoq istagi orqali baqoning ilohiy zikrlari, marvaridlarini ibodat ila termoqdir.

*******************************

Sabrim sarhadida sobitqadam turmog’imning samarasi ilohiy ishq nashidasi va aning rohati qalbda jo bo’lishi bilan  ikki dunyo saodatiga erishmog’im  ne’matidir.

*******************************

Arshning a’losi qalbning marvaridi bo’lsa ilohiy jamolu jalolning nashidasi fanoda namoyonlik belgisida ko’ringay.

Foniy ichra inson sabr etagidan tutsa bas va ibodatning asl ko’zgusi orqali ilohiy jamolu jalol qalbda namoyondir...