Men Osmonga intildim, Osmon esa menga

- Yoningda bir jonon bo’lsa, qo’lingda may. Bu yog’i tong otmasa. Ana jannat, mana jannat.

Kuni bilan itday ishlab xaroba kulbam uzra jandasi chiqib ketgan to’shakda ana shunday xayol bilan uxlab qolibman.

Bir mahal ohori to’kilmagan shoxona uyda o’zimni ko’rdim. Misoli oltindan qurilgan. Go’yo, jon olguchi ikki jonon qo’lida qadaq ko’tarib harir ko’ylakda kirib kelganida ularning jamoliga qarab ko’zlarim qinidan chiqib ketay dedi. Uzun sochlari tizzasida, shahlo ko’zlari, maftunkor jamoli oyni uyaltirgudek. Go’zallarning sirli malohatiga qarab nafsim jo’sh ursada, kuchli hayajon ta’siridan beixtiyor oyoqlarim qaltirab ketdi.

Ikki go’zal ikki qo’limdan tutib menga qadahni uzatishdi. Inkor etmoqqa kuch topolmadim. Qo’llarim qaltirab mayni qo’limga olib qizlardan ko’zimni olib qochgancha qadahga qaradim. Unda qon mavj urib turardi.