Ajdodlar umidi, 2-kitob

Ushbu kamtargina qissamiz shayx Nursafardiyning hayot yo'lining ikkinchi qismidir. Nasib etsa, uning mo''jizalarga boy ilohiy karomatlari haqida kitobimizning keyingi sonlarida bayon etamiz, inshoolloh.

****

Adir qo'ynida talato'p odamlar orasida jonsiz yotgan qizning tanasiga ruh qaytgandagina Saparboy o'ziga keldi. Shuncha vaqt mobaynida haykaldek qotgani, ruhiyati samo va zamin orasida muallaq turib qizning hayoti uchun kurash-ganini ba'zilar sezdi, ba'zilar yo'q. Muhimi, qiz hayotga qaytdi. Shunda Dilaraning vujudida fiziologik o'zgarish yuz berdi. Avval uning burnidan qon favvoraday otilib chiqdi. So'ng og'zidan, ko'zlaridan qon sirqirab ko'rindi. Saparboy duo o'qishni davom ettirarkan, uning yuragida tomiri ura boshladi va ingrash paydo bo'ldi... Keyin esa ming bir azob bilan ko'zlarini ochdi. Odamlarning shovqini quloqlariga eshitilmas, go'yo og'izlar o'z-o'zidan qimirlar, nazarida inson-lar devona bo'lib ko'rindi.